آذرتیترین گزارشی اساس‌دا، تبریزین تئاتر شهرینین بیرینجی تاماشاسی ینی ایل‌ده، آذربایجان افسانه‌لریندن سئچیلمیش بیر ناغل الدو. «ملک محمد» تاماشاسی تبریزلی یازار، اکبر شریعتین اوزل باخیشی دیر، صمد بهرنگینین توپلامیش آذربایجان افسانهلری نه. بو افسانه‌نی اکبر شریعت دراماتورژلیق و صحنه‌یه چیخماق اوچون کاغاذ استونه گئتیریب
بابک و سهند قیصری «ملک محمد» تاماشاسینین رژیسورلاری، بوندان اونجه، «بر فراز پل» تاماشاسین تبریزده نمایش ائتدمیشلر
اونلار بو آرادا بیلدیردیلر کی، بو نمایشین حاضرلیقی اوچون 7 آی مشق و تمرین ائتمیشلر. قیصری قارداشلاری آذربایجانین افسانهلری، کولتور و ان انه لرین یاشادیب و اونلارین یادلاردان چیخمادیغینی، بو تاماشانین اساس هدفی بیلدیریبلر. سهند و بابک قیصری آچیقلادیلارکی، آذربایجانین فرهنگین و کولتورون، موسیقی، کتاب، فیلم و تئاتر قالیبینده گئلجک نسیل‌لره چاتدیرمالییق
دئمه‌لییک بو تاماشا، فروردین آیی‌نین 25دن، هر گون ساعات 19 دا، تبریزین تئاتر شهرینین اصلی سالنوندا، هنر سئون آذربایجانلی‌لار اوچون صحنه‌ده حاضیر دیر
/خبرین سونو